Ny kortstokk

Vel overstått 17. mai alle sammen :) Heidi og Karl-Arne er glad for at planlegginga og gjennomføringa av dagen gikk flott. Mykje arbeid, men bra vart det :) CSC_0299

Rett før 17. mai merka vi at Nia sin Pondus ikkje auka slik vi ønska, så i dag gikk turen ut til veterinær Hanne. Konklusjonen etter ultralyd og røntgen er at alle kvalpefostera er borte vekk. Veldig, veldig kjedelig. Det var ikkje berre vi her på Rimma som gleda oss til å auke familien med ein kvalp. Og i Nederland hadde Davidoff (og Henk og Edith) gleda seg til kvalpefødsel. Vi er likevel glad for at Nia er frisk og rask, om enn i litt godt hold 😉 No ventar nytt kost- og trimprogram for Nia. Spørs kva ho seier til det… 😉 Eg trur ho og dei to andre kjem til å ete seg gode og mette på mykje rart, ridgebackar er tross alt svært tilpassingsdyktige, og veit å skaffe seg mat frå alternative kilder. Berre sjå, her hos oss har vi ridgebackar på beite, kven treng då plentraktor eller sauer for å halde kontrollen på alt som vekst? Favoritten er Enghumleblomst, som visstnok er bra for magen.  Er meir usikker på om den er bra for drektige tisper.

DSC_0284

 

 

 

 

 

DSC_0281

Nia si neste løpetid kjem om 8-9 månader, noko som vil bety kvalpar i januar-februar. Kanskje velger vi å forsøke igjen då.Då er det i alle fall ikkje mykje grønt Nia kan sjølvmedisinere seg med :)  Å vente til løpetida etter det igjen, vil bety kvalpar om ca halvtanna år, rett før vinteren kjem. Og det er eigentleg endå mindre kjekt enn kvalpar i januar? Vi har uansett god tid til å tenke ut fordelar og ulemper når det gjeld tidspunkt på året. Kvalpar er no stas uansett når dei vert fødde :)

I og med at det ikkje vert kvalpar, so har Heidi og Karl-Arne fått sommaren fri til andre sysler. Skal sjå at Heidi klarar å overtale Zulu og Nia til å verte med på eit fe-show eller to? Eller kanskje ho klarar overtale Karl-Arne til å flytte heile vedhuset (som inneheld ein 15 mål med ved…) slik at vi kan bygge drivhus? Oj, oj, oj! Heidi kjenner at det boblar inne i ho av ulike gode hagetiltak som Karl-Arne (eller ungane) kan vere med på i sommar 😉 Tross alt, sist Heidi fekk ein «liten» hage-ide enda Trym opp med å lage til eit blomsterbed på 1 m bredde og 20 m lengde…

Tross alt, vi gledar oss til sommaren. Ny kortstokk gjev nye kort på hand, kven veit kva sommaren gjev oss? 😀 😀

CSC_0298

 

Nia har ordet.

Howdy, folks!

Heidi er reist til Florø i dag, for å høyre på kva politikarane har tenkt å gjere med skulesaka i CSC_0207Eikefjord. Blir det ny skule eller ikkje? Medan ho er vekke, so kan eg nytte høve til å uttrykke litt uro om dama. Ho har byrja å snakke om den der Pondusen igjen. Dinne gongen har ho fått med seg Karl-Arne og Eira og, i jakta på han. Jammen bra Trym er på hybelen sin, slik at han ikkje byrjar å sjå fantasifoster han og!

Det travle med Pondusen, sett vekk frå all pratinga om han, er at han skal målast. Akkurat som sist Heidi hadde seg ei slik Pondus-bye! Og sidan han ikkje er tilgjengeleg heile tida, når Heidi kjem fram med målebandet, so må eg stille opp. Korkje Zulu eller Stitch stillar seg til disposisjon for slik måling, litt kjipt gjort av dei. Eller kanskje er det slik at eg og burde nekte å vere med på målingane, at eg berre fyrar opp under Heidi (og dei andre) sine vrangforestillingar? Kva tykkjer de eg burde gjere? Neimenn ikkje enkelt å vete. Heidi CSC_0221påstår at Pondusen veks, og at han har blitt 8 cm rundare siste 10 dagane. Mine målingar seier ho ikkje noko om, men eg veit no at eg er perfekt strømlinjeforma, so eg ser litt stort på akkurat dei manglande opplysningane.

Ein anna sak som opptek meg for tida er matmangel. Heldigvis har Heidi teke ekstra hensyn til meg, no får eg mat tre gongar for dagen. Litt ekstra kjekt er det når Zulu og Stitch ikkje får noko som helst til middag, berre frukost og kveldsmat. :) Litt forbetringspotensiale har Heidi, den der maten ho serverar til frukost er bittelittegrann uapetitteleg. Heidi seier det er eg som er problemet, ikkje maten, eg får akkurat det samme til alle måltida. Hmm… Ikkje overtydd om det, nei! Uansett, god mat må ikkje gå til spille, so eg eter den, sjølv om Heidi seier at eg kan vente til litt seinare med å ete den. Kan ikkje la slik mat stå framme, tenk om Zulu og Stitch eter den?DSC_0162

I går fekk vi uventa besøk, Heidi var slettes ikkje førebudd på det. Zulu og eg varsla Heidi om at det kom nokon opp frå båtnaustet, slik at ho skulle få tid til å rette på håret. Ikkje det at ho høyrte på oss nei, men ho vart no med ned til båtnaustet og helste på ein trivelig kar frå Telenor. Han var stolpekontrollør, kva no det er slags jobb. Han tykte vi var kjekke hundar, og at vi var veldig flinke til logring. Hadde vore artig med litt meir besøk her på Rimma :)

I år skal vistnok ikkje Heidi og Karl-Arne stille seg ut på Ridgeback Spesialen i pinsehelga. Tipper Zulu og Stitch er glade for det, dei er ofte med når Heidi og Karl-Arne stiller seg ut. Vi hundar skjønnar at moralsk støtte er viktig på slike fe-show, men ærleg talt, det hadde vore godt om Heidi og Karl-Arne kunne byrje reise aleine på slike show. Det er ikkje akkurat SO spennande å vere med på. Årsaka til at ikkje Heidi skal på Spesialen, er at Karl-Arne meiner at det ikkje er naudsynt å reise frå Kullet, når det berre er ei lita veke gammalt, og det var Heidi einig i. Ja, ja. Dei om det. Eg vert heime uansett :)DSC_0048

Eg lurar litt på følgande: Kven er Kullet, og skal det flytte hit? Det er det ingen som har fortalt til oss hundar. Karl-Arne driver og tek mål, der han skal bygge kasse, slik at det er god plass til heile Kullet. Heidi har rydda plass, ommøblert og alt, so no startar snikringa straks. Eg lurar på om Kullet er ein slags Pondus-figur inne i Karl-Arne sitt haud? Er det mogeleg at både Heidi og Karl-Arne er heilt på bærtur? Nei, ditta her er eg litt usikker på.

DSC_0191Heldigvis er både Zulu og Stitch heilt utan slike fantasifoster :) Stitch var litt pjusk nokre dagar i forrige veke, men han er heldigvis betre no og er med på tur igjen. Han har byrja stjele sengeplassen min om kvelden, so eg ser meg nødt til å legge meg ganske tidleg om kvelden, sånn før kl 2100. Ikkje fordi eg er trøtt, altså. Zulu held seg heldigvis på sin eigen plass, jyplingen! Innimellom blir ho heilt tussete, og springer rundt som ein tulling, utan mål og meining, sparkar litt fotball eller kastar pinnar rundt seg. Sånn gjorde ALDRI eg på den alderen…. Øh…

DSC_0134